Әлем елдеріндегі АҚШ елшілерінің барлығы 20 қаңтар күні өз қызметінен босатылады. Олардың қатарында Қазақстандағы дипломатиялық миссияның жетекшісі Жорж А. Крол да бар. Мұндай жарлықты АҚШ-тың жаңа президенті Дональд Трамптың командасы жария етті деп жазады The New York Times.
Басылымның хабарлауынша, бүкіл әлемдегі америкалық елшілердің барлығы Дональд Трамп ұлықталатын күні өз қызметтерін босатуға тиіс.
Айта кетейік, Жорж Крол Қазақстанда 2015 жылдың 8 қаңтарынан бері елші болып қызмет атқарып келеді. Бұған дейін ол 3,5 жылдай Өзбекстандағы дипмиссияны басқарған.
Жорж Крол жерлестеріміздің есінде қазақша сөйлеуімен есте қалатыны сөзсіз. АҚШ елшісі қысқа мерзім ішінде тіл үйреніп, әр мереке сайын ел тұрғындарын қазақ тілінде құттықтап отыратын.
