Халықтың жұмыссыздық деңгейі екінші жыл қатарынан өзгеріссіз қалып, 2021 жылдың қорытындысы бойынша 4,9%-ды құрады, деп жазды inbusiness.kz тілшісі finprom.kz-ке сілтеме жасап.
Жұмыссыздар саны бір жылда 0,6%-ға азайып, 450,4 мың адамды құрады. Бір жыл бұрынғы көрсеткіштің бірден 2,6%-ға өсуі байқалды.
Сонымен қатар қала мен ауылдағы жұмыссыздықтың алшақтығы артып келеді. Осылайша, жыл басында қалалардағы жұмыссыздық деңгейі 2020 жылдың соңымен салыстырғанда өзгеріссіз қалған 5%-ды құрады. Бұл ретте ауылдағы жұмыссыздық деңгейі бір жылда 4,8%-дан 4,7%-ға төмендеді.
Гендерлік жағынан алшақтық бұдан да зор. Ерлер арасындағы жұмыссыздық деңгейі бір жыл ішінде 4,4%-дан 4,1%-ға төмендесе, әйелдер арасында, керісінше, 5,4%-дан 5,6%-ға дейін өсті.
Қазақстан Республикасының облыстары арасында жұмыссыздықтың ең жоғары деңгейі Түркістан облысы мен Алматы қаласында – 5,1%-ды құрады. Одан кейін Шымкент пен Батыс Қазақстан облысы тұр (5%).
Ең төменгі жұмыссыздық деңгейі Нұр-Сұлтан мен Қарағанды облысында тіркелді – небәрі 4,6%.
Сандық тұрғыдан алғанда жұмыссыздардың ең көп саны Алматы қаласында тұрады (52,9 мың адам). Одан кейінгі орында Алматы (49 мың адам) және Түркістан (41,8 мың адам) облыстары.
Құралай Құдайберген
