"Альфа-Банк" АҚ ЕБ жалғыз акционері 2021 жылға жай акциялар бойынша дивидендтерді төлемеу туралы шешім қабылдады, делінген банктің сәрсенбіде KASE-де жарияланған хабарламасында.
"2021 жылдың қорытындысы бойынша банктің жай акциялары бойынша дивидендтер төлемеу, банктің 2021 жылғы таза кірісін өткен жылдардың бөлінбеген таза кірісіне бағыттау", – делінген хабарламада.
2020 жылы қазақстандық Альфа-банк ЕБ жай акциялар бойынша дивидендтер түрінде $19 млн төледі.
Қаржы институтында 548,4 миллион акция бар, олардың барлығы орналастырылған. Банктің артықшылықты акциялары жоқ.
Хабарланғандай, қазір банк иесін ауыстыру бойынша келіссөздер жүріп жатыр.
Бұған дейін қазақстандық "Альфа-Банк" ЕБ АҚШ-тың OFAC санкциялар тізіміне енгізілгені айтылған болатын.
Ұлттық банктің мәліметі бойынша, Қазақстандағы "Альфа-Банк" 2022 жылдың 1 наурызындағы жағдай бойынша активтерінің көлемі бойынша 22 қазақстандық банктің арасында 11-орынды иеленді.
