Онлайн ұйымдастырылған World Beatbox Championship -2021 байқауы 3 кезеңнен тұрды, деп хабарлайды inbusiness.kz.
Отандасымыз байқаудың барлық кезеңінде өте жақсы өнер көрсетіп, жүлделі бірінші орынды жеңіп алды. Бұл үшін оған 500 доллар көлемінде сыйақы ұсынылып, келесі әлем чемпионатына әділ қазы ретінде қатысу құқы берілді.
Эльдар Ғабдуллин музыканың жаңа жанрын 15 жасында YouTube арқылы меңгере бастаған. Әу баста оның қызығушылығын ата-анасы құптамаған.
"Кәсіби білімім жоқ. Бала кезімнен бимен немесе ән айтумен шұғылданғым келді. Алайда барлығына атүсті қарадым. Мен ұстаз көрмеген оқушымын.
Қазір білетінімнің барлығын YouTube-тен үйрендім", – деді оралдық битбоксер.
Айта кетейік, Эльдар Ғабдуллин Орал қаласында ағылшын тілі мамандығында оқиды. Қосымша оқу орталығында сабақ береді.
Қанат Махамбет
