/img/tv1.svg
RU KZ
DOW J 23 724,20 Hang Seng 24 275,22
FTSE 100 5 842,66 KASE 2 249,72
РТС 1 142,07 Өнеркәсібі 1 484,00
Қазақстандық боксшылар Флойд Мэйуэзердің бокс залында жаттығады

Қазақстандық боксшылар Флойд Мэйуэзердің бокс залында жаттығады

Спортшылармен бірге олардың бапкері Сағатбек Мұсаханов та шетелге кетті.

22 Ақпан 2020 17:25 164

Қазақстандық боксшылар Флойд Мэйуэзердің бокс залында жаттығады

Қазақстандық боксшылар Жанқош Тұраров (24-0, 17 КО), Али Балоев (9-0, 7 КО) және Ескендір Харсан (7-1, 6 КО) жаттығуларының келесі кезеңін Лас-Вегас қаласындағы әйгілі Флойд Мэйуэзердің залында өткізеді, деп хабарлайды  Prosports.kz.

Спортшылармен бірге олардың бапкері Сағатбек Мұсаханов шетелге кетті, ол МТК Қазақстан баспасөз қызметіне берген сұхбатында: «Біз жалпы физикалық, тактикалық және техникалық дайындықты отанымызда, Алматыда өттік. Енді біз спарринг жұмыстарының кезеңі қалды. Біз Америка Құрама Штаттарына, Лас-Вегас қаласына ұшамыз және Флойд Мэйуэзердің залында 15 наурызға дейін жаттығамыз», – деп атап өтті.

Еске сала кетелік, аталған боксшылардың барлығы соңғы жекпе-жектерін Қазақстанда өткізген еді.

inbusiness.kz-ті қараңыз, оқыңыз :

Қазақстан командасы әлемдік аренадағы қарсыластарымен бірге жаттығуда

Әлемнің 10 мемлекетінен келген үздік спортшылар Стамбұлда өтетін А сериясындағы кезекті Премьер-лига турнирінің алдында бас қосқан. 

14 Мамыр 2019 13:03 240

Қазақстан командасы әлемдік аренадағы қарсыластарымен бірге жаттығуда

Каратэден Қазақстан командасы Стамбұлда бірлескен оқу-жаттығу жиындарын өткізуде. Біздің спортшылар әлемдік аренадағы қарсыластарымен бірге жаттығып жатыр, деп жазады Olympic.kz. 

Дархан Асаділов, Дидар Әмірәлі, Гузалия Гафурова, Данияр Юлдашев бастаған Қазақстан командасының мүшелері әлем және Еуропа чемпионы Угур Актас, Саламан Ерай (Түркия), Еуропа чемпионаты мен Премьер-лига турнирлерінің жүлдегері Габор Харспатаки (Венгрия), Алвин Караки (Косово), сондай-ақ, Тайпей, Бельгия, Сербия, Нидерланд спортшыларымен бірге дайындалуда. 

Әлемнің 10 мемлекетінен келген үздік спортшылар Стамбұлда өтетін А сериясындағы кезекті Премьер-лига турнирінің алдында бас қосқан. Жарыс 17-19 мамыр күндері өтеді. 

ҚР президенті тікұшақ апатынан қаза болғандардың отбасына көңіл айтты

Қызылорда облысының Жалағаш ауданында МИ-8 тікұшағы апатқа ұшырап, 12 адам көз жұмды.

28 Наурыз 2019 07:19 476

ҚР президенті тікұшақ апатынан қаза болғандардың отбасына көңіл айтты

Қызылорда облысында апатқа ұшыраған Ми-8 тікұшағының бортында болған үш экипаж мүшесі мен тоғыз әскери қызметшінің  аты-жөні белгілі болды, деп хабарлайды ҚазАқпарат lada.kz сілтеме жасап.

Апатта экипаж командирі Роман Костыгов, экипаж командирінің көмекшісі, лейтенант А.Б.Айтбаев және борт технигі, майор Тимур Әділқанұлы Құдайбердиев қаза тапқан.  Бортта болған майор Д.А.Қоңырбай, капитан С.М. Масалим, аға сержант М.Р. Шәріпов; кіші сержант А.Т. Абдулманов, аға лейтенант Г.К. Рахымбаев, евфрейторлар – Б. Байбақов, М.А. Жұматов, А.Т. Әбділдинов, К. Сарқытбаевтар да көз жұмды.

Еске сала кетсек, ҚР ІІМ ТЖК баспасөз қызметі бұған дейін Қызылорда облысының Жалағаш ауданында МИ-8 тікұшағы апатқа ұшырады.

«27наурыз күні сағат 17:35 кезінде «112» пультіне Қызылорда облысының Жалағаш ауданында МИ-8 тікұшағының апатқа ұшырағаны туралы хабарлама келіп түсті. Тікұшақ анықталмаған себептер бойынша құлап, толығымен өртеніп кетті», – делінген комитеттің хабарламасында.

Аталмыш әуе кемесі ҚР Қорғаныс министрлігіне тиесілі екені анықталып отыр. Қазіргі уақытта апаттың мән-жайы анықталу үстінде.  

ҚР президенті Қасым-Жомарт Тоқаев Қызылорда облысында құлаған тікұшақта болған экипаж мүшелерінің отбасына көңіл айтты.

«Қызылорда облысында Қорғаныс министрлігінің тікұшағы апатқа ұшырады.Әскери жаттығу кезінде Ақтау – Шымкент бағытында ұшқан. Өкінішке қарай, экипаж мүшелері қаза тапты. Тергеу жұмыстары жүргізіледі. Қаза тапқандардың туыстарына көңіл айтамын. Отбасыларына материалдық көмек көрсетіледі», – деп жазды президент Twitter-дегі парақшасында.

Қорғаныс министрлігінің хабарлауынша, аталмыш тікұшақ 4 бірдей әскери тікұшақ құрамынан тұратын бөліммен бірге Ақтау қаласынан Шымкентке ұшып бара жатқан. Ұшу сапары арнайы бөлімшелердің «Алтын жебе» кешенді оқу және жаттығу аясында қараңғы уақытта әрі күрделі метеорологиялық жағдайда жүргізілген.

«Қорғаныс министрі Нұрлан Ермекбаевтың бұйрығымен апат орнына арнайы құрылған ҚР Қорғаныс министрлігінің комиссия жіберілді. Қазіргі уақытта төрт тікұшақтың екеуі Қызылорда қаласына қонды. Ал қалған бір тікұшақ оқиға орнына қайта оралды. Қорғаныс министрлігі ішкі істер министрлігімен бірлесіп, болған әуе апатының себебін анықтау мақсатында тергеу жұмыстарын жүргізіп жатыр», – делінген министрліктің хабарламасында.

Жаңалықтарға жазылу: