/img/tv.svg
RU KZ
Hang Seng 28 025,19 FTSE 100 7 610,70 KASE 2 345,57 РТС 1 634,32 DOW J 29 335,30 Мыс 6 160,84
Ауа райы:
-7Нур-Султан
-5Алматы
Hang Seng 28 025,19 FTSE 100 7 610,70
KASE 2 345,57 РТС 1 634,32
DOW J 29 335,30 Мыс 6 160,84
Қазақстандық делегация Армения Ұлттық кітапханасына 50 кітап сыйлады

Қазақстандық делегация Армения Ұлттық кітапханасына 50 кітап сыйлады

Делегация Қазақ тілі, мәдениеті және тарихы орталығында болды.

14 Қыркүйек 2019 11:51 245

Қазақстандық делегация Армения Ұлттық кітапханасына 50 кітап сыйлады

Қазақстан премьер-министрінің орынбасары Бердібек Сапарбаев бастаған делегация Ереван «TUMO» креативті технологиялар орталығында болды, деп хабарлайды primeminister.kz.

Орталықта 12-18 жас аралығындағы балалар заманауи технологияларды қолдана отырып, АT-саласындағы жұмыстарға оқытылады. Оқыту төрт бағытта ұйымдастырылған: анимация, ойындар әзірлеу, веб-әзірлеу және цифрлық бұқаралық ақпарат құралдары, мұнда би, спорт және музыкамен айналысуға көңіл бөлінеді. 2016 жылы «TUMO» француздық «We demain» журналы құрастырған әлемдегі инновациялық мектептер рейтингінде бірінші орын алды. Орталықтың бөлімшелері Парижде, Мәскеуде, Бейрутте және басқа қалаларда жұмыс істейді.

Сонымен қатар, вице-премьер «Армения балалары» (COAF) қайырымдылық қорының жұмыс тәжірибесімен танысты. COAF негізінен балалармен және жастармен жұмыс жасай отырып, ауылдағы кедейлік проблемаларын жан-жақты шешу үшін білім беру, денсаулық сақтау және әлеуметтік-экономикалық даму бағдарламаларын жүзеге асырады.

Ереван мемлекеттік университетін аралау барысында Бердібек Сапарбаев Қазақ тілі, мәдениеті және тарихы орталығында болды. Мұнда вице-премьер қазақ халқының мәдениеті мен салт-дәстүрін зерттеп, үйреніп жүрген студенттермен әңгімелесті, сондай-ақ орталыққа қазақ, орыс және ағылшын тілдеріндегі 50 кітапты сыйға тартты. Олардың ішінде Абай, М. Әуезов, Ш. Құдайбердіұлы, Ә. Кекілбаев, А. Жұбанов және т. б. ірі тұлғалардың шығармалары бар.

Бердібек Сапарбаев Армения Ұлттық кітапханасына және «Матенадаран» ежелгі қолжазбалар институтына тағы 50 кітапты сыйлады.

Сонымен қатар, қазақстандық делегация стоматология және эстетикалық медицина саласындағы жаңа бағдарламалар мен тәсілдерді қолдануды ынталандыратын және дамытатын «Аванта» инновациялық медицина орталығына барды. Бүгінде клиникаға әлем елдерінен 77 мыңнан астам емделуші келген.

inbusiness.kz-ті қараңыз, оқыңыз :

Қасым-Жомарт Тоқаев Жоғары ЕАЭО кеңесінің отырысына қатысады

Еуразиялық экономикалық одаққа мүше мемлекет басшылары бүгінгі саммит қорытындысы бойынша 15 шақты құжатқа қол қояды деп жоспарланып отыр.

01 Қазан 2019 08:40 314

Қасым-Жомарт Тоқаев Жоғары ЕАЭО кеңесінің отырысына қатысады

Қазақстан Президенті Қасым-Жомарт Тоқаев Жоғары Еуразиялық экономикалық одақ кеңесінің отырысына қатысу үшін Ереванға барды. Бүгін Мемлекет басшысы кеңестің шағын және кеңейтілген құрамдағы отырысына қатысып, бірқатар екіжақты кездесу өткізеді, деп хабарлайды 24.kz.

Сондай-ақ кеңес отырысына қатысу үшін бүгін Армения астанасына Ресей президенті Владимир Путин, Беларусь президенті Александр Лукашенко, Қырғыз президенті Сооронбай Жээнбеков жиналады. Бақылаушы ретінде Молдова мемлекетінің басшысы Игорь Дадон да отырысқа қатысады. Сондай-ақ Ереван саммитіне Иран президенті Хасан Рухани мен Сингапур мемлекетінің премьері де келеді. Соңғысымен саммитте маңызды құжатқа қол қойылмақ. Еуразиялық экономикалық одақ пен Сингапур мемлекеті Еркін сауда аймағын құру туралы келісімге келеді. Сарапшылар бұл келісім еуразиялық бірлестіктің кеңістігін кеңейтіп, жоғары технология саласындағы серіктестікке серпін береді деп сенеді. Сондай-ақ жергілікті сарапшылар ішкі интеграцияны күшейту үшін, бірлескен өндірістк кәсіпорындарды құру қажет деген ой айтады.

«Қазірдің өзінде автоөнеркәсіп саласында екі жаңа лидер анықталды. Қазақстан мен Ресей бірнеше ірі көлік зауыттарын салып, іске қосты. Ал Армения не істей алады? Біздің елдің электроникада әлеуеті зор. Армения шағын білдектер, яғни станоктар шығара алады. Сондықтан осындай мүмкіндіктерді ортақтастырып, үлкен жобалар арқылы үлкен нәтижелерге қол жеткізуге болады»,– дейді «Арминфо» ақпараттық агенттігінің бас директоры Эммануил Мкртчян.

Еуразиялық экономикалық одаққа мүше мемлекет басшылары бүгінгі саммит қорытындысы бойынша 15 шақты құжатқа қол қояды деп жоспарланып отыр. Сондай-ақ Қасым-Жомар Тоқаев Жоғары Еуразиялық кеңестің отырысына қатысудан бөлек, бірқатар екіжақты кездесу өткізеді.

Мемлекет басшысы Арменияға жұмыс сапармен барды

ҚР Президенті Қасым-Жомарт Тоқаев Ереванда Жоғары ЕЭК отырысына қатысады.

30 Қыркүйек 2019 21:51 268

Мемлекет басшысы Арменияға жұмыс сапармен барды

ҚР Президенті Қасым-Жомарт Тоқаев Жоғары Еуразиялық экономикалық кеңестің отырысына қатысу үшін Арменияға келді, деп хабарлайды Президенттің баспасөз хатшысы Берік Уәли.

«Қасым-Жомарт Тоқаев Жоғары Еуразиялық экономикалық кеңестің отырысына қатысу үшін Ереван қаласына (Армения Республикасы) келді. Мемлекет басшылары жиын барысында Еуразиялық экономикалық одақ аясындағы мемлекетаралық ынтымақтастықтың өзекті мәселелерін талқылайды. Сонымен қатар, Қазақстан Президенті бірқатар екіжақты кездесулер өткізуді жоспарлап отыр», – деп мәлім етті Президенттің баспасөз хатшысы Берік Уәли.

Жаңалықтарға жазылу: