Қазақстандық десантшылар "Десанттық взвод" байқауында үшінші орынды еншіледі Қазақстан қарулы күштерінің әскери қызметшілері Қытай халық республикасының аумағында өткен "Десанттық взвод" байқауында үшінші орынды иеленді, деп хабарлайды ҚР қорғаныс министрлігінің баспасөз қызметі.
Сайыс қорытындысы бойынша 62 ұпай жинаған Қытайдың құрама командасы бақау жеңімпазы атанды. Екінші орынға 50 ұпай жинаған Ресейдің командасы жайғасса, 42 ұпай жинаған Қазақстанның командасы үшінші орынды місе тұтты.
"Десанттық взвод" байқауы аптап ыстық пен жоғары ылғалдылықтағы күрделі климаттық жағдайларда өткенін айта кеткен жөн. Байқаудың барлық жаяу кезеңдерінде десантшыларымыз өздерінің қарсыластарынан физикалық тұрғыда мықтырақ және төзімдірек болды. Ал жоғары рух пен әскери серіктестік өздерінің күш-жігерлері мен жеңіске деген ұмтылыстарын дәлелдеген қазақстандық әскери қызмеnшілердің ерекшелігі болды. Байқау жеңімпаздары кубоктармен, медальдармен, дипломдар және бағалы сыйлықтармен марапатталды.
