Ресейде қытайлық JAC брендіне тиесілі iEV7S электромобилі таныстырылды. Ол көрші елге Қазақстаннан жеткізіледі. Жыл басынан бері Ресейге 700 дана JAC S3, S5 кроссоверлері мен Т6 пикаптары экспортталды. Машинаның бағасы 2.3 млн рубль. JAC ЕЭО елдеріндегі ең арзан электромобиль болмақ.
Хетчбэктің қуаты 39 кВт/сағ батареямен жұмыс істейтін 115 ат күшіне ие мотор арқылы қозғалады. Жүріс қоры 280 шақырымға жететін машина жылдамдығын сағатына 130 шақырымға дейін арттыра алады. Толық қуаттау үшін сегіз сағат кетеді. Жылдам қуаттайтын бекеттерде батареяны бір сағатта 80 %-ға дейін қуаттау мүмкіндігі бар.
Олжас Оқас
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
