"Еліміздің бюджеттік әуекомпаниясы ішкі әуетасымал нарығын дамытып, бүкіл Қазақстанның аймақтарын байланыстыру арқылы өзінің бағыттар кестесін кеңейтуде. Олардың көбі бұрын-соңды болмаған рейстер", – деп хабарлады компанияның баспасөз қызметі.
Бұрын аймақтарға рейстер Алматы немесе Нұр-Сұлтан қалалары арқылы ғана ұшса, 28 тамыздан бастап келесі бағыттар бойынша тікелей рейстер қатынайды:
1. Қарағанды – Шымкент – Қарағанды;
2. Қарағанды – Атырау – Қарағанды;
3. Қарағанды -Ақтау- Қарағанды,
4. Атырау – Қостанай – Атырау;
5. Атырау – Қызылорда – Атырау;
6. Шымкент – Қостанай – Шымкент;
7. Шымкент – Өскемен – Шымкент;
8. Шымкент – Павлодар – Шымкент.
"Атырау, Шымкент пен Қарағандыдан жаңа аймақтық бағыттардың ашылуына байланысты, FlyArystan 2020 жылдың 28 тамызынан бастап орындалатын рейстерге 20% жеңілдік ұсынады. Билеттерді сату кезеңі – 5-7 тамыз аралығы", – деп хабарлады алғашқы отандық лоукостердің баспасөз қызметі.
Жаңа бағыттар бойынша 180-орындық Airbus A320 ұшағы қатынайды. Сонымен қатар аталған рейс билеттерінің бағалары 3999 теңгеден басталады.
Құралай Құдайберген
