"Транснефть" "Дружба" құбыржолының "Новозыбков" мұнай айдайтын станциясынан жарылғыш зат тапты, бірақ станцияға зардабы тиген жоқ.
Мұнай құбыры Ресей Федерациясы Брянск облысының аумағында орналасқан, деп хабарлайды inbusiness.kz ТАСС агенттігіне сілтеме жасап.
"Транснефть" компаниясының ресми өкілі Игорь Деминнің мәлімдеуінше, жарылғыш зат болат шарлар түрінде өнеркәсіптік емес өндірістің қираған пластикалық корпусынан табылған.
"Болжам бойынша, корпустар дроннан жерге құлауы кезде бүлінген. Ал бүгін түсте ұшқышсыз ұшу аппаратынан тағы бір жарылғыш заттың қалай түскені байқалды, ол алдыңғы екеуіне ұқсас болуы мүмкін", деп мәлімдеді Игорь Демин.
Ол биыл "Новозыбков" станциясында мұнай айдалмағанын, резервуар паркі бос тұрғанын атап өтті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
