Қазақстандық оқушылар Гонконгте өткен FIRST LEGO League Hong Kong Championship 2026 халықаралық робототехника чемпионатында жоғары нәтиже көрсетіп, ел намысын абыроймен қорғады, деп хабарлайды inbusiness.kz сайты.
Биылғы жарысқа әлемнің 30-дан астам елінен 120 үздік команда мен 900-ден астам оқушы қатысты. Қазақстан атынан Алматы қаласының екі командасы бақ сынап, жүлделі нәтижелерге қол жеткізді.
PhysTech School Almaty мектебінің PEAK командасы чемпионаттың ең жоғары марапаттарының бірі – 1st Runner-Up атағын жеңіп алып, екінші орынға ие болды. Сонымен қатар команда Most Innovative Booth Award арнайы жүлдесімен марапатталып, Robot Game санатында 6-орыннан көрінді.
Ал Future Axions 218 командасы Invitational санатында 2nd Runner-Up нәтижесін көрсетіп, халықаралық командалар арасында екінші орынға ие болды.
Қазақстандық оқушылардың бұл жетістігі елімізде STEM-білім беру мен робототехника бағытын дамытуға бағытталған жүйелі жұмыстардың нәтижесін көрсетеді. Халықаралық жарыстағы табыс олардың жоғары дайындық деңгейі мен инженерлік ойлау қабілетін тағы бір мәрте дәлелдеді.
