Қазақстандық пойыздарда әйелдерге арналған купе пайда болуы мүмкін

1685

Мәжіліс отырысы кезінде депутаттар мұндай купелердің әлемдік тәжірибеде қолданылып келе жатқанын айтады.

Қазақстандық пойыздарда әйелдерге арналған купе пайда болуы мүмкін

Қазақстанда әйелдерге ғана арналған купеге билет сатып алу мүмкіндігі пайда болмақ. Мұндай мүмкіндікті заң шығарушылар транспорт мәселесі жобасы аясында қарастырмақ, деп хабарлайды sputniknews.kz..

Мәжіліс отырысы кезінде депутаттар мұндай купелердің әлемдік тәжірибеде қолданылып келе жатқанын атап өтті.

ҚР инвестициялар және даму министрлігі көлік комитетінің төрағасы Әсет Асаубаевтың айтуынша, бұл норма заң жобасы аясында тасымалдаушы компаниялармен ақылдаса отырып қаралып жатыр.

"Билет сату бойынша жаңа жүйе аясында біз әйелдерге жеке купе таңдау мүмкіндігін қарастырып жатырмыз. Купеде ешнәрсе өзгермейді, тек әйелдер таңдау құқығына ие болады", — деді комитет төрағасы.

Мұнымен қатар, заң шығарушылар билет сатып алып, кейін оны жекеменшік кассаларында қымбаттатып сататын азаматтарға қатысты әкімшілік жауапкершілік енгізбек. Осы мақсатпен ҚТЖ компаниясы билет сататын кассалар санын азайтып, орнына автоматтанырылған жүйе енгізбек.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу