Еуразия ұлттық университетінің "Дала сазы" халық аспаптар оркестрі Италия төрінде топ жарды, деп хабарлайды inbusiness.kz.
Қазақстандық студенттер Open Italy ашық халықаралық аспаптық музыка байқауында "Folk instrument" аталымы бойынша бірінші орынды иеленді. 34 елдің өкілдері қатысқан өнер додасында топ жару – үлкен жетістік.
Ұлттық аспаптарымыздың үні Италияда шырқалып жатқанда, бізді тағы бір жағымды жаңалық қуантты. Мұхтар Әуезов атындағы Оңтүстік Қазақстан университетінің студенттері су көздерін жаңа биологиялық әдіспен тазалау және қалдықтарын кәдеге жарату технологиясын ойлап тапты. Жобаны студенттер 17-21 сәуір аралығында өткен Әл-Фараби атындағы ҚҰУ-нің базасында өткен республикалық студенттік өткен пәндік олимпиадада таныстырды. 24 команда арасынан студенттер 1-орынға ие болды.
