Германияның Гамбург қаласында таэквондодан "German Open G1" рейтингілік турнирі өтуде. Жарыстың алғашқы күнінде Қазақстан құрамасы 7 медаль жеңіп алды. Оның біреуі – алтын, алтауы – қола медаль, деп хабарлайды Olympic.kz.
74 келіде сынға түскен Лес Әбдусамат қарсылас шыдатпай, жарыс жеңімпазы атанды. Бұл қазақстандық жас спортшының халықаралық ірі турнирдегі алғашқы жеңісі.
Сондай-ақ, 54 келідегі Самат Темірхан мен Сапарғали Әбдірашев, 58 келідегі Елдос Ысқақ, 74 келідегі Нұрсұлтан Мамаев пен Нұрқанат Қожахмет және 73 келідегі Жансель Дениз рейтингілік турнирде үздік үштікке енді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
