Жеребе қорытындысы бойынша Қазақстан жастар құрамасы Аустралия, Пәкістан және Өзбекстан құрамаларымен "В" тобына түсті.
Бүгін, 25 наурызда Қазақстан құрамасы Пәкістан құрамасынан 1:2 есебімен жеңіліп қалды. Бірінші ойында Роберт Каминский Омарды 6:2, 6:0 есебімен жеңді, одан кейін Родион Трейгель Абубакардан 4:6, 4:6 есебімен ұтылды. Ал шешуші жұптық кездесуде Родион мен Роберттің жолы болмады. Әбубакар / Омар жұбына қарсы өткен текетіресте қазақстандық теннисшілер 7 :5, 3:6, 8:10 есебімен жеңіліп қалды.
Әлем чемпионатына іріктеуде Қазақстанның намысын Роберт Каминский, Родион Трейгель, Аңсар Ниетқалиев, сондай-ақ команда капитаны Сағадат Аяп қорғауда.
U14 командалық әлем чемпионатының іріктеу кезеңінде төрт топқа бөлінген 16 команда бақ сынауда. Әр квартеттен екі команда плей-офф кезеңіне өтеді. Биыл ұлдар арасында Азия/Океания аймағынан осы жазда Чехияда өтетін жасөспірімдер арасындағы командалық әлем чемпионатының финалдық кезеңіне үш жолдама сарапқа салынуда.
Өкінішке қарай, Кучингте (Малайзия) Қазақстан қыздар құрамасы да 14 жасқа дейінгі жасөспірімдер арасындағы әлем чемпионатына жолдама ала алмай, ширек финалда сүрінді. ¼ финалда Қазақстан құрамасы үшінші орын алған Аустралия құрамасынан 1:2 есебімен жеңіліп қалды. Бірінші ойында Екатерина Кирюшенко Весна Маринковты сенімді түрде жеңді – 6:3, 6:2. Екінші кездесуде Наиля Баймахан Отт Джениферге есе жіберді – 6:7 (5:7), 2:6. Ақтық жұптық кездесуде Баймахан/Кирюшенко Чен Лю/Маринкадан– 5:7, 5:7 есебімен жеңіліп қалды. Осылайша қазақстандық теннисшілер ¼ финалда сүрінді.
