Қазақстанда бірқатар жоғары оқу орындары жекешелендірілетін болады. Бұл туралы Үкіметтің 2015 жылдың 30 желтоқсанындағы "2016-2020 жылдарға арналған жекешелендірудің кейбір мәселелері туралы" № 1141 қаулысына өзгерістер енгізу туралы" қаулысының жобасында көрсетілген, деп хабарлайды ҚазАқпарат.
Аталмыш құжатта жекешелендіруге жатататын мемлекет иелігіндегі ұйымдардың тізімі жарияланған. Олар: "Абылай хан атындағы Қазақ халықаралық қатынастар және әлем тілдері университеті", "КИМЭП университеті" АҚ, "О.Байқоңыров атындағы Жезқазған университеті" АҚ, Қазақ бас сәулет-құрылыс академиясы" АҚ, "М.С.Нәрікбаев атындағы ҚазМЗУ университеті" АҚ, "Алматы энергетика және байланыс университеті" коммерциялық емес акционерлік қоғамы.
Аталған тізімге "Жезқазғанредмет" шаруашылық жүргізу құқығындағы республикалық кәсіпорны, "Қазақ мәдени ғылыми-зерттеу институты" ЖШС де кіруі мүмкін.
Қаулы жобасын талқылау 20 қыркүйекке дейін жалғасады.
