Сенаторлар Қазақстан мен Армения арасындағы азаматтардың сапарлары мен олардың келіп-кету тәртібі туралы келісімді, сондай-ақ көші-қон саласындағы ынтымақтастық туралы келісімді ратификациялады, деп жазады inbusiness.kz сайты.
Бірінші құжат өзара сапарларды жеңілдетеді: енді Қазақстан азаматтары үшін жеке куәлік жеткілікті, тіркелмей жарты жыл ішінде 90 күнге дейін жүруге болады. Бұл туризмді, іскерлік байланыстарды дамытуға және гуманитарлық байланыстарды нығайтуға ықпал етеді.
Екінші келісім көші-қон саласындағы ынтымақтастықты реттейді. Ол деректермен және құқықтық ақпаратпен алмасуды, заңсыз көші-қонға және қос азаматтыққа қарсы бірлескен шараларды, сондай-ақ тиісті органдардың іс-қимылдарын үйлестіруді көздейді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
