LS сайты қазақстандықтардың жыл басынан бері байланыс қызметіне қанша қаржы шығындағанын жариялады. Байланыс операторлары 10 айда 658,4 млрд теңге табыс тапқан. Бұл 2018 жылмен салыстырғанда 4,5% көп. Дегенмен, бір жылда тұрғындардың телефон байланысына жұмсайтын ақшасы 7,1% азайған. Ал интернетке 13,4% көп шығындалған. Ұялы байланыс шығыны былтырғымен шамалас (0,3% өсім).
"Байланыс қызметін көрсететін кәсіпорындар табысының 35,6%-ын кең жолақты интернеттен, 27,9%-ын ұялы байланыстан тапқан. Телекоммуникациядан түскен табыстың үлесі 18,2% болса, жергілікті телефон байланысының табыстық үлесі – 4,7% ғана", – деп жазады LS.
Елімізде 3,2 млн қарапайым телефон тіркелген. 25,9 млн ұялы байланыс нөмірі тіркелсе, соның 14,9 миллионы интернетке жалғанған. Сондай-ақ, 2,4 млн интернет нүктесі бар.
