Тиісті бұйрық жобасы “Ашық НҚА” сайтында жарияланды.
Құжатқа бейінді мамандардың қашықтан кеңесі қосылды.
Оның ішінде терапевт, педиатр, хирург, акушер-гинеколог, оториноларинголог, стоматолог, кардиолог, пульмонолог, ревматолог, невропатолог, эндокринолог, аллерголог, гематолог және т.б. мамандар бар.
Түсіндірме құжатта көрсетілгендей, толықтырулар Мемлекет басшысының "Әділетті Қазақстан – бәріміз және әрқайсымыз үшін. Қазір және әрдайым" сайлауалды бағдарламасын іске асыру жөніндегі тапсырмасын орындау шеңберінде дайындалған. Атап айтқанда, іс-шаралар жоспарының 101-тармағына сәйкес телемедицина арқылы орналасқан жері бойынша медициналық қызметтерге қолжетімділікті кеңейту бойынша жұмыс жүргізу қажеттілігі атап көрсетілген.
Құжатты жария талқылау 25 сәуірге дейін жалғасады.
