Қазақстандықтар етке қанша ақша жұмсайды?

274

Әр тоқсанда бір адам орта есеппен 21 келі ет тұтынған. 

Қазақстандықтар етке қанша ақша жұмсайды? Фото: Максим Морозов

Ел азаматтарының азық-түлікке жұмсайтын барлық шығынының үштен бірі ет және ет өнімдеріне кетеді, деп хабарлайды inbusiness.kz сайты finprom.kz порталына сілтеме жасап.

Осы жылдың үшінші тоқсанында қазақстандықтардың азық-түлік пен алкогольсіз сусындарға жұмсаған шығыстары жан басына шаққанда орта есеппен 135,2 мың теңге болды. Бұл былтырғыға қарағанда 6,7%-ға артық (126,6 мың теңге).

Алматы тұрғындары азық-түлікке ең көп шығындалған: жан басына шаққанда 186,7 мың теңге. Одан кейінгі орындарда Астана (160,4 мың теңге) және Шығыс Қазақстан облысы (150,6 мың теңге) орналасқан.

Ең аз шығыстар Қызылорда облысында тіркелді: 104,6 мың теңге. Үштікте Түркістан облысы мен Шымкент қаласы да бар.

Қазақстандықтардың азық-түлікке кететін барлық шығынының үштен бірі (32,9%) ет және ет өнімдеріне жұмсалды. Атап айтқанда, бір адамға әр тоқсанда шамамен 44,4 мың теңге. 

Танымал өнімдердің қатарында нан мен жарма, сүт өнімдер, жеміс-жидек, қант пен тәттілер бар.

Ел азаматтары көкөністерге орта есеппен жан басына шаққанда 9,5 мың теңге, майға – 7 мың теңге, балық пен теңіз өнімдеріне – 5,7 мың теңге, жұмыртқаға 2,9 мың теңге жұмсаған. 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу