Мониторингке қатысқан 9 мың респондент "жемқорлыққа не себеп болады?" деген сауалға оның 30 себебін атап көрсеткен. Сұралғандар емделуге жолдама алу үшін (12,7%-ы), жұмысқа тұру үшін (10,1%), баласын балабақшаға орналастыру үшін (6,1%), жер мәселесін шешу үшін (6,5%), ХҚКО-нан анықтама алу үшін (5,1%), сессиясын "жабу үшін" (4,4%), салық есебін беру үшін (9%) және заң бұзған жауапкершіліктен жалтарған кезде (8,4%) сыбайластыққа баратынын жасырмаған.
"Респонденттердің жартысынан көбі пара беруді "осылай жасаған ыңғайлы, себебі, мәселеміз тезірек шешіледі" деп түсіндірді. Ал сауалнама қатысушының 8%-дан астамы бұл қадамға "шарасыздықтан барғанын" жеткізді. Осылайша, респонденттер мәселесі оңынан шешілуі үшін "пара беруге дайын" екенін көрсетті", – дейді "Transparency Kazakhstan" ҚҚ атқарушы директоры Ольга Шиян.
Қымбат Нұрғали
