Қазақстандықтар зейнетақы жинақтарын жаппай шешіп алуда

Қазақстандықтар зейнетақы жинақтарын жаппай шешіп алуда

07 Желтоқсан 2021 10:41 7170

Қазақстандықтар зейнетақы жинақтарын жаппай шешіп алуда

Соңғы үш күнде enpf-otbasy.кz платформасы арқылы 46 мың өтініш түскен.

Бүгінде enpf-otbasy.кz платформасының 41 744 қолданушысы өз өтініштері бойынша БЖЗҚ-нан Отбасы банктегі ("Бәйтерек" холдингінің еншілес ұйымы) арнайы шоттарына жалпы көлемі 242 млрд теңге қаражаттың шешіп алуға өтініш білдірген, деп хабарлайды inbusiness.kz аталған банктің баспасөз қызметіне сілтеме жасап. 

3 желтоқсанның өзінде, біржолғы зейнетақы төлемдерін алуға ниет білдірген қазақстандықтардан 16 000 өтініш келіп түсті. Бұл жыл басынан бері БЗТ-ін тұрғын үй жағдайын жақсарту мен емделу мақсаттарына алу мүмкіндігі туындаған уақыттан бастап, жолданған өтініштер көлемі бойынша рекордтық көрсеткіш. Қалыпты күндері платформа арқылы 2 200 жуық өтініш қабылданады.

"Қазақстандықтар тұрғын үйді толық сатып алу, ЕДБ-дегі және Отбасы банкіндегі ипотеканы ішінара төлеу мақсаттарын жиі таңдауда. Сондай-ақ зейнетақы қаражатының бір бөлігін туысқандарына аудару қызметі сұранысқа ие. Enpf-otbasy.кz платформасына артқан сұранысқа қарамастан, портал жұмысы еш кідіріссіз, штаттық режимде қызмет етуде. Желтоқсан айының соңына дейін оның көмегімен әр жас бойынша 2021 жылғы белгіленген жеткіліктілік шегі көрсеткіштері бойынша БЗТ-ін қолдануға болады. Қордағы қаражат Отбасы банкіндегі арнайы шотқа аударылғаннан кейін, оларды қолдануға 45 жұмыс күні беріледі. Осы уақыт аралығында БЗТ қолдану мақсатын таңдап/растап немесе өзгертіп үлгеруге болады", – деп хабарлады қаржы институты. 

БЗТ қазақстандықтар "Отбасы Банкіндегі" заем бойынша қарызын төлеуге (ішінара немесе толық), ипотекалық заем бойынша берешегін өтеуге, оның ішінде ислам банкінің қаржыландыруын қоса алғанда (ішінара немесе толық), ипотекаға жүгінбей, тұрғын үй сатып алуға (толық өтеу), тұрғын үй құрылыс жинақ жүйесі бойынша "Отбасы банкінен" ипотекалық тұрғын үй заемын  алуға, ипотекалық заем алу үшін бастапқы жарна төлеуге (оның ішінде ислам банкінің қаржыландыруы шеңберінде), сатып алу құқығымен жалға алу шарты бойынша берешегін өтеуге, жеке тұрғын үй салуға (жер телімін сатып алуды қоса алғанда) және емделу ақысын төлеуге қолдануға болады.

2021 жылдың 3 желтоқсанындағы мәліметтер бойынша, бұл мүмкіндікті 338 499 адам (жалпы көлемі 1,68 трлн теңге) қолданып үлгерді. Олардың дені ипотекаға жүгінбей тұрғын үй алған (171 598 адам). Біржолғы зейнетақы төлемдерін қолдану бойынша Нұр-Сұлтан, Маңғыстау облысы мен Алматы көш бастап тұр. Ал Солтүстік-Қазақстан облысының тұрғындары аса белсенділік танытпаған.

БЗТ-ін "Отбасы банкінде" ипотекалық тұрғын үй заемын алу үшін бастапқы жарна ретінде қазақстандықтардың 83%-ы қайталама нарықтан тұрғын үй таңдаған. Қалған 17%-ы жаңа тұрғын үй алуды жөн көрген.

51 884 қазақстандық (жалпы көлемі 51,9 млрд теңге) зейнетақы қорындағы қаражатының бір бөлігін емделуге жұмсаған.

БЗТ қолданған азаматтарымыздың орта жасы – 41. Олардың 68%-ы ер кісілер. 338 499 қазақстандықтың 40%-ы өздерінің тұрғын үй жағдайларын туыстары зейнетақы қорындағы жинақтарын толық немесе ішінара табыстағанының арқасында жақсарта алған.

Қазіргі уақытта Отбасы банк қызметкерлері "ТҚЖ салымдарын БЗТ есебінен толықтыру" мүмкіндігін іске асыру бойынша жұмыс атқаруда. Аталмыш қызмет мемлекеттік органдар Біржолғы зейнетақы төлемдерін қолдану ережелеріне енгізілген өзгерістер бекітілген уақыттан бастап қолжетімді болады.

Ұқсас материалдар:

ozbekstan-prezidentinin-memlekettik-sapary

ktzh-zhuk-tasymaly-filialynyn-bastygy-paramen-ustaldy

belgili-tarihshy-talas-omarbekov-dunie-saldy

elimizde-zhas-kasipkerlerdin-sany-15-ga-artty

kolajsyz-aua-rajynda-uzak-zholga-shykkandar-zhauapkershilikke-tartyla-ma

загрузка

×