Бұл туралы Жасанды интеллект және цифрлық даму вице-министрі Ростислав Коняшкин Үкімет отырысынан кейінгі брифингте айтты, деп хабарлайды inbusiness.kz сайты.
"Кеше ХҚКО-ларға барған халықтың қарасы көп болды. Мұндай жағдай жаңа қызметтер іске қосылғанда ғана болмайды. Мерекелерден кейін ХҚКО-лар жұмыс істемей тұрған кезде де адамдардың жиналуы байқалады. Кеше "әдемі" нөмірлерді таңдау қызметі іске қосылды. Қателеспесем, еліміз бойынша осы қызметке шамамен 11 мың өтініш берілген", – деді Ростислав Коняшкин тілшілердің сауалына.
Вице-министр ұзын-сонар кезек болмауы үшін осы қызмет түріне байланысты операторлардың саны көбейтілгенін айтты.
Оның айтуынша, осы аптада e-Gov мобильді қосымшасы арқылы бұл қызметті онлайн режимде іске қосу жоспарланып отыр. Бұдан басқа "Азаматтарға арналған үкімет" те өз сервисін дайындап жатқаны белгілі болды.
