Коммуналдық қызметтер үшін тұтынушылардың берешегі 11,4 млрд теңгені құрайды. Бұл туралы ИИДМ басшысы Бейбіт Атамқұлов үкімет отырысында баяндады.
Оның айтуынша, ең көп дебиторлық берешек Алматы қаласында сақталып отыр – 2,6 млрд теңге. Ал Нұр-Сұлтанда – 1,7 млрд теңге, Маңғыстау облысында – 1,5 млрд теңге, Шымкент қаласында – 1,3 млрд теңге көлемінде сақталып отыр.
Сондай-ақ, 2018 жылмен салыстырғанда Алматы қаласында берешектің 533 млн теңгеге өсуі байқалады. Бұл ретте 2018 жылмен салыстырғанда қарыздардың төмендеуі Шымкент қаласында 1,1 млрд теңгеге және Нұр-Сұлтан қаласында 568 млн теңгеге жетті.
Дебиторлық берешек бойынша ең төмен көрсеткіштер Алматы облысында байқалады — 5 млн теңге.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
