/img/tv1.svg
RU KZ
Қазақстанға ЕАЭО елдерінің мемлекеттік сатып алуларына қатысуға рұқсат беріледі

Қазақстанға ЕАЭО елдерінің мемлекеттік сатып алуларына қатысуға рұқсат беріледі

Бұл отандық мемлекеттік сатып алу нарығынан 12 есе көп.

08 Ақпан 2019 13:02 800

Қазақстанға ЕАЭО елдерінің мемлекеттік сатып алуларына қатысуға рұқсат беріледі

Қазақстанның экспорттық әлеуеті ЕАЭО елдерінің мемлекеттік сатып алуларына қатысу арқылы іске асуы мүмкін. Бұл туралы сенат спикері Қасым-Жомарт Тоқаев айтты, деп хабарлайды LS.

Спикер ЕАЭО-ға мүше-мемлекеттердің мемлекеттік сатып алу саласында бір-біріне  ұлттық режимді ұсынуы отандық бизнес үшін үлкен мүмкіндіктерге жол ашатынын атап кетті.

«ЕАЭО-ға мүше-мемлекеттердің сатып алуларына қатысу – Қазақстан бизнесі үшін көлемі 100 млрд доллар болатын нарықты ашады, бұл отандық мемлекеттік сатып алу нарығынан 12 есе көп», – деді спикер.

Сонымен қатар, сенат спикерінің айтуынша, ЕАЭО-ның электр энергетика нарығының құрылуы аясында Қазақстан өзінің электр энергетика саласындағы экспорттық әлеуетін іске асыруға мүмкіндік алды.

«2025 жылға қарай ЕАЭО шеңберінде газ, мұнай және мұнай өнімдерінің жалпы нарығы құрылады. Осы бағытқа өте мұқият болып, ЖЖМ-ның ішкі нарықтағы бөлшектік бағасының өсіп кетуіне жол бермеуіміз керек», – деді ол.   

Бұл ретте спикер ЕАЭО аясында еркін сауда жасауға кедергі келтіріп отырған мәселелер деп - өзара саудадағы кедергілер санының көптігін, тауарларды тасымалдаудағы қиындықтар, ішкі нарықтағы қолжетімділік, жекелеген таураларды әкелуге құпия тыйым салу, жергілікті өңірлік билітер тарапынан болатын кедергілерді атады.

Мемлекет басшысы Ғабит Байжановты, Асқар Жұмағалиевті, Роман Склярды қабылдады

Олар президентке басқаруындағы  ведомстволардың қазіргі жұмыстары және алдағы жоспарлары жөнінде баяндады.

28 Наурыз 2019 18:19 495

Мемлекет басшысы Қасым-Жомарт Тоқаев ҚР «Сырбар» Сыртқы барлау қызметінің директоры Ғабит Байжановты қабылдады, деп хабарлайды Ақорданың баспасөз қызметі.

Кездесу барысында мемлекет басшысына Сыртқы барлау қызметінің қазіргі жұмыстары жөнінде баяндалды.

Сондай-ақ, президент Цифрлық даму, қорғаныс және аэроғарыш өнеркәсібі министрі Асқар Жұмағалиевті қабылдады.

Кездесу барысында А.Жұмағалиев Қазақстан президентіне ведомство жұмыстарының нәтижелері және орташа мерзімді кезеңдегі жоспарлары жөнінде мәлімет берді.

Мемлекет басшысы қорғаныс өнеркәсібі мен аэроғарыш саласының деңгейін көтеру және технологиялық тұрғыдан жаңғырту жөніндегі ведомстваның алдына қойылған міндеттерді сапалы жүзеге асырудың маңыздылығына назар аударды. Сонымен қатар, цифрлық технологияны біртіндеп және жан-жақты енгізу қажеттігін айтты.

Қасым-Жомарт Тоқаев индустрия және инфрақұрылымдық даму министрі Роман Склярды қабылдады

Мемлекет басшысына ведомствоның қазіргі жұмыстары және алдағы жоспарлары жөнінде баяндалды.

Қазақстан президенті министрлікке бекітілген мемлекеттік және салалық бағдарламаларды тиімді орындаудың маңыздылығына назар аударды. Сонымен қатар, жол-көлік инфрақұрылымын жаңғырту, сондай-ақ индустриялық даму жобаларын уақтылы іске асыру мәселелеріне тоқталды.

Кездесулер қорытындысы бойынша мемлекет басшысы бірқатар нақты тапсырма берді.

ҚР президенті тікұшақ апатынан қаза болғандардың отбасына көңіл айтты

Қызылорда облысының Жалағаш ауданында МИ-8 тікұшағы апатқа ұшырап, 12 адам көз жұмды.

28 Наурыз 2019 07:19 613

Қызылорда облысында апатқа ұшыраған Ми-8 тікұшағының бортында болған үш экипаж мүшесі мен тоғыз әскери қызметшінің  аты-жөні белгілі болды, деп хабарлайды ҚазАқпарат lada.kz сілтеме жасап.

Апатта экипаж командирі Роман Костыгов, экипаж командирінің көмекшісі, лейтенант А.Б.Айтбаев және борт технигі, майор Тимур Әділқанұлы Құдайбердиев қаза тапқан.  Бортта болған майор Д.А.Қоңырбай, капитан С.М. Масалим, аға сержант М.Р. Шәріпов; кіші сержант А.Т. Абдулманов, аға лейтенант Г.К. Рахымбаев, евфрейторлар – Б. Байбақов, М.А. Жұматов, А.Т. Әбділдинов, К. Сарқытбаевтар да көз жұмды.

Еске сала кетсек, ҚР ІІМ ТЖК баспасөз қызметі бұған дейін Қызылорда облысының Жалағаш ауданында МИ-8 тікұшағы апатқа ұшырады.

«27наурыз күні сағат 17:35 кезінде «112» пультіне Қызылорда облысының Жалағаш ауданында МИ-8 тікұшағының апатқа ұшырағаны туралы хабарлама келіп түсті. Тікұшақ анықталмаған себептер бойынша құлап, толығымен өртеніп кетті», – делінген комитеттің хабарламасында.

Аталмыш әуе кемесі ҚР Қорғаныс министрлігіне тиесілі екені анықталып отыр. Қазіргі уақытта апаттың мән-жайы анықталу үстінде.  

ҚР президенті Қасым-Жомарт Тоқаев Қызылорда облысында құлаған тікұшақта болған экипаж мүшелерінің отбасына көңіл айтты.

«Қызылорда облысында Қорғаныс министрлігінің тікұшағы апатқа ұшырады.Әскери жаттығу кезінде Ақтау – Шымкент бағытында ұшқан. Өкінішке қарай, экипаж мүшелері қаза тапты. Тергеу жұмыстары жүргізіледі. Қаза тапқандардың туыстарына көңіл айтамын. Отбасыларына материалдық көмек көрсетіледі», – деп жазды президент Twitter-дегі парақшасында.

Қорғаныс министрлігінің хабарлауынша, аталмыш тікұшақ 4 бірдей әскери тікұшақ құрамынан тұратын бөліммен бірге Ақтау қаласынан Шымкентке ұшып бара жатқан. Ұшу сапары арнайы бөлімшелердің «Алтын жебе» кешенді оқу және жаттығу аясында қараңғы уақытта әрі күрделі метеорологиялық жағдайда жүргізілген.

«Қорғаныс министрі Нұрлан Ермекбаевтың бұйрығымен апат орнына арнайы құрылған ҚР Қорғаныс министрлігінің комиссия жіберілді. Қазіргі уақытта төрт тікұшақтың екеуі Қызылорда қаласына қонды. Ал қалған бір тікұшақ оқиға орнына қайта оралды. Қорғаныс министрлігі ішкі істер министрлігімен бірлесіп, болған әуе апатының себебін анықтау мақсатында тергеу жұмыстарын жүргізіп жатыр», – делінген министрліктің хабарламасында.