59 жасында өмірден озған Тигран Кеосаян Қазақстан туралы ақылға сыймайтын сөздер айтқан еді, деп жазады inbusiness.kz сайты.
Бұған дейін Кеосаянның клиникалық өлімге тап болғаны, ес-түссіз жатқаны жарияланды. Ресейлік ақпарат құралдары оның екі рет инфарк алғанын жазды.
Қазақстан қоғамында ерлі-зайыпты пропагандистердің сөзі жиі сынға алынды.
Бір ғана мысал, 2022 жылы мамыр айында Қазақстан Жеңіс күніне парад өткізбейтінін мәлімдегенде, Кеосаян Қазақстанға: "Украинаға қараңдар, дұрыстап ойланыңдар! Біздің жауапты адамдар Қазақстанмен қарым-қатынас деңгейін қайта қарауы керек!" – деген еді.
Кеосаянның бұл сес көрсеткен сөзі қоғамда қарсылыққа ұшырап, көп талқыланды. Сондықтан Қазақстан сыртқы істер министрлігі Тигран Кеосаянның елге келуіне тыйым салды.
