/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 432,23 Brent 36,55
Қазақстанға Түркия мен Еуропадағы қандастардан гуманитарлық көмек келіп жетті

Қазақстанға Түркия мен Еуропадағы қандастардан гуманитарлық көмек келіп жетті

Келген көмектің жалпы салмағы – 900 киллограмға жуық.  

14 Шілде 2020 19:55 252

Қазақстанға Түркия мен Еуропадағы қандастардан гуманитарлық көмек келіп жетті

14-шілде күні Нұр-Сұлтан уақытымен сағат 02:30-да Түркия мен Еуропадағы қандастар бірігіп ұйымдастырған гуманитарлық көмек Қазақстанға келді.

Келген көмектің жалпы салмағы – 900 киллограмға жуық. Оның ішінде медициналық заттар (бетперде, термометр, қорғаныш костюмдері және т.б.) және өкпені жасанды желдету құрылғылары бар. Бұл медициналық жабдықтар еліміздегі медициналық орталықтарға үлестіріліп беріледі.

Жүктің бір бөлігін бүгін «Дүниежүзі қазақтарының қауымдастығы», «Отандастар коры» және елімізге Түркиядан арнайы келген қазақ диаспорасының өкілдері Нұр-Сұлтан қаласындағы жұқпалы аурулар орталығына  тапсырды. Гуманитарлық көмектің қалған бөлігі Алматы, Шымкент және ШҚО-дағы емханаларға жеткізілетін болады.

 «Әлемнің қай тұсында жүрсе де, атажұрт Отанын ұмытпай, қиын-қыстау уақытта елімізге қол ұшын созып, бірден көмек көрсеткен Түркиядағы, Еуропадағы қандастарымызға, ағайын-бауырларымызға және осы жүкті жеткізуге атсалысқан барлық мемлекеттік мекемелерге алғысымызды білдіреміз. «Дүниежүзі қазақтарының қауымдастығы» мен «Отандастар коры» атынан ризашылығымызды жеткіземіз», - деді журналистерге сұхбат берген  «Отандастар қоры» КЕАҚ вице-президенті Мағауия Сарбасов.

БАӘ Қазақстанға медициналық қорғаныс құралдарын жіберді

Шетелден келген гуманитарлық көмектің жалпы салмағы 13 тонна.

07 Сәуір 2020 12:45 279

БАӘ Қазақстанға медициналық қорғаныс құралдарын жіберді

Біріккен Араб Әмірліктері билігінің шешімі бойынша Қазақстанға гуманитарлық көмек партиясы келіп жетті, деп хабарлады Сыртқы істер министрлігінің баспасөз қызметі.

«Біздің елдеріміз арасындағы дәстүрлі достық қарым-қатынастардың, сондай-ақ коронавируспен күрес  кезінде бірлескен күш-жігердің арқасында БАӘ-ден бортында жалпы салмағы 13 тоннаны құрайтын медициналық қорғаныс құралдары келді. Оның ішінде жартылай медициналық қорғаныс құралдары, бір реттік қолғаптар, медициналық маскалар, бахилалар, антисептиктер және тағы басқа медициналық құралдар бар», – деп жазылған хабарламада.

Еске сала кетсек, Қазақстанға бұған дейін де АҚШ, Қытай, Оңтүстік Корея, Жапония, Түркия және Израиль секілді елдерде коронавирустың таралуын тоқтату мақсатында медициналық көмек жіберген болатын.

«Гуманитарлық көмек – бұл серіктестерге өзара қолдау көрсетудің жалпы қабылданған халықаралық тәжірибесі. Тез тарайтын эпидемиологиялық дағдарыс жағдайында әлемнің барлық мемлекеттері әлеуметтік-экономикалық әлеуетіне және географиялық алшақтығына қарамастан, түрлі көмек алу үшін өзара жүгінеді», – деп хабарлады Сыртқы істер министрлігінің баспасөз қызметі.

Джек Ма 23 мемлекетке гуманитарлық жәрдем жібермек

Alibaba қоры коронавирусқа қарсы көмек көрсетілетін елдердің тізіміне Өзбекстан мен Қазақстанды да қосты. 

29 Наурыз 2020 16:37 639

Джек Ма 23 мемлекетке гуманитарлық жәрдем жібермек

Джек Ма және Alibaba қорлары коронавирустың таралуына жол берген елдерге көрсететін көмек көлемін ұлғайтпақшы. Тек Азияның өзінде аталмыш қор 23 мемлекетке гуманитарлық жәрдем жібермек. Бұл тізімге соңғы болып енген 7 елдің ішінде Әзербайжан, Қазақстан, Қырғызстан, Өзбекстан, Бутан, Үндістан және Вьетнам бар. Қытай миллиардері көмекті медициналық керек-жарақ түрінде көрсетеді.

Қос қор аталған 7 мемлекетке жалпы жиыны 1,7 миллион маска, 165 000 тест жүйесін, арнайы киім мен өкпеге жасанды дем беретін қондырғы сияқты құралдар табыстауды жоспарлап отыр. Ал Азияның 23 еліне жалпы жиыны 7,4 миллиона маска мен 485 000 тест-жүйе, 100 000-нан астам қорғаныш киім мен қондырғы беру көзделген.

«Өз үй ішімізді Covid-19-дан қорғау ісінде біз бүкіл әлеммен біргеміз. Бірлесе отырып біз қажетті дәрі-дәрмекті жеткізу қиын, бірақ аса мұқтаж жерлерге мейлінше жылдам апаруға күш саламыз», – деп жазылған қордың ақпаратында.

Есжан Ботақара