Ұлттық банктің мәліметінше, биылғы жылдың қаңтар-тамыз айларында 458,8 млрд теңге басқа елдерге аударылған. Бұл өткен жылдың сәйкес кезеңімен салыстырғанда 50,7 млрд теңгеге немесе 12,4%-ға артық.
Қазақстаннан аударылған қаражат көлемі бойынша Қырғызстан көшбастап тұр. Бұл елге ақша ағымы 86,3% -ға, 96,5 млрд теңгеге дейін өсті. Екінші орынға Түркия ие болды - 36%, 74,5 млрд теңге. Сондай-ақ трансферттердің оң динамикасы Өзбекстанға - 7,6%, 95 млрд теңгеге және Әзербайжанға - 3,5% - 9 млрд теңгеге дейін өскені байқалды.
Ал Арменияға жіберілген ақша көлемі 40,3% төмендеп, 3,4 млрд теңге болған. Сонымен қатар, Украинаға аударылған ақша ағыны айтарлықтай төмендеп - 27,7% болған болса, Қытайға - 23%, Грузия - 20% және Тәжікстанға - 2,3%-ға дейін төмендеген.
Ресейден Қазақстанға ақша аудару да 7,6% -ға төмендеді. Алайда бұл мемлекет әлі күнге дейін рекордтық қаражат алады (124 млрд теңге).
