Қатар астанасы Доха қаласында қазақстандық экспорттаушылардың іскерлік миссиясы өтті, деп хабарлайды inbusiness.kz сайты.
Бұл шараны "QazTrade" АҚ Қазақстан Республикасының Сауда және интеграция министрлігімен, сондай-ақ Қатардағы елшілігімізбен бірлесіп ұйымдастырды.
Бұл ретте бизнес-миссия аясында B2B кездесулері өтті, оған Қазақстан мен Қатардан ауыл шаруашылығы, агроөнеркәсіп, өнеркәсіп және IT-технологиялар сияқты негізгі секторлардан 30 компания қатысты.
Іс-шараға қатысушылар әлеуетті серіктестермен жеке келіссөздер жүргізе алды, тауарлар мен қызметтерді өзара алмасу мүмкіндіктерін талқылады және Қатар дистрибьюторларымен және импорттаушыларымен байланыс орнатылды.
Сонымен қатар іскерлік миссия аясында QazTrade бас директорының бірінші орынбасары Нұрлан Құлбатыров Qatar Airways өкілдерімен кездесті.
Кездесу барысында тараптар әуе жүктерін дамыту және қазақстандық тауарларды Қатар мен Таяу Шығыстағы басқа елдердің нарықтарына жеткізу үшін тиімді логистикалық арналарды құру мүмкіндіктерін қарастырды.
Нұрлан Құлбатыров қазақстандық экспорттаушылар үшін тарифтерді оңтайландыру мен тасымалдау сапасын арттырудың маңыздылығын атап өтті, бұл экспортталатын тауарлардың ассортиментін айтарлықтай кеңейтуге және жеткізу географиясын арттыруға мүмкіндік береді.
Айта кету керек, 2024 жылдың қаңтар-қыркүйек айларында Қазақстан мен Қатар арасындағы тауар айналымы 6,2 миллион АҚШ долларын құрады, бұл екіжақты сауда қатынастарының қарқынды дамуын көрсетеді.
