Бұл өткен жылмен салыстырғанда 5,9% артық. Алайда өсім тек импорт есебінен болды (+22,8%), ал экспорт керісінше – шамамен 10% төмендеген, деп жазады inbusiness.kz сайты Қазақстан қаржыгерлерлер қауымдастығы таратқан сараптамаға сілтеме жасап.
Сарапшылардың пікірінше, бұл Қазақстанның экспорттық-мұнай-металл моделінің осалдығын көрсетеді. Қытай сұранысының қысқаруы мен шикізат бағасының төмендеуі экспорттық кірісті азайтқан.
Экспортта азық-түлік пен көлік құралдары артса, мұнай, газ және металл өнімдері азайды. Импорт құрылымында автокөліктер (+1,2 млрд доллар), металдар (+279 млн) және химия өнімдері (+231 млн) алға шықты.
Импорттағы Қытай өнімдерінің арзандығы (ҚХР-де инфляция – 0,1%) Қазақстандағы қымбатшылықты біршама тежеп отыр. Дегенмен, ішкі инфляциялық қысым – тарифтердің өсуі, теңгенің әлсіреуі және бюджет шығындарының артуы – сыртқы факторды басып кетеді.
Қауымдастықтың сараптамалық талдауында алдағы уақытта импорт сұраныс пен инфрақұрылымдық жобалар есебінен өсе береді, экспорттың көлемі мұнай мен металл бағасына, сондай-ақ Қытайдың өнеркәсіптік тұтынуына тәуелді болып қала береді деп жазылған.
Қазақстанның металлургиясы үшін Қытайдағы сұраныс шешуші рөл атқарады, себебі отандық кәсіпорындардың жүктемесі осы нарыққа тікелей байланысты.
