ҚТЖ-да 2023 жылдың бірінші жартысын қорытындылады, деп хабарлайды inbusiness.kz.
Соған сәйкес, тарифтік жүк айналымы 8,6% өсті.
Транзиттік жүк айналымы — 27,8 млрд т-км -ні (>39,1%) құрады. Контейнерлік транзит 26%-ға өсті. Қазақстаннан Қытайға тауар экспорты 5,7 млн тоннадан асты. Бұл былтырғыдан 27% жоғары.
Жолаушылар айналымы 5,7 млрд пас-км құрады. Көрсеткіш 1,2% өсті. 600 шақырымға жуық теміржол жолы жөнделді. Бұл былтырғыдан 100 шақырымға көп.
2023 жылы 1126 шақырым темір жолды жөндеу жұмыстарының барлық түрлерімен жаңарту жоспарлануда.
Достық-Мойынты учаскесіндегі екінші жолдардың құрылысы қарқынды жүріп жатыр.
Жылжымалы құрам паркі жаңартылды:
- 36 локомотив,
- 48 фитингтік платформа,
- 14 жолаушылар вагоны сатып алынды.
Жыл соңына дейін тағы 139 локомотив, 620 жүк және 50 жолаушы вагоны жеткізіледі деп күтілуде.
