Қазақстаннан миллионнан астам шетел азаматы шыға алмай қалды

Қазақстаннан миллионнан астам шетел азаматы шыға алмай қалды

11 Маусым 2021 11:59 490

Қазақстаннан миллионнан астам шетел азаматы шыға алмай қалды
Ішкі істер министрі Ерлан Тұрғымбаев халықпен есептік кездесуінде осылай мәлімдеді, деп хабарлайды inbusiness.kz.

Ерлан Тұрғымбаевтың айтуынша, бұған шекараның жабылуы себеп болды.

«Шетел азаматтарының басым бөлігінің төлқұжаттарының, визаларының, Қазақстанда тұру, жұмыс істеу рұқсаттарының қолданылу мерзімі өтіп кетті», – деді Ерлан Тұрғымбаев.

Министрліктің мәліметінше, жыл сайын ел аумағына 6 млн-ға жуық шетел азаматы кіріп жүрді. 2020 жылы Қазақстанға 2 млн, ал жыл басынан бері 529 мың ғана шетел азаматы табан тіреді. 

«Ішкі істер министрлігінің бастамасымен үкімет өтпелі кезең уақытын белгіледі. Осылайша 460 мың шетелдік Қазақстанда болуын заңдастырды», – деді Ерлан Тұрғымбаев.

Өтпелі кезеңде Қазақстанда уақытша жұмысқа тұруға – 394 405 шетел азаматы өтініш білдірді. 872 адам – оқуға, 148 адам – емделуге рұқсат алды. 6501 шетел азаматының визасы ұзартылды. 560 мың шетел азаматы отанына оралды. Оның ішінде Өзбекстанға – 260,5 мың, Ресейге – 139,0 мың, Қырғызстанға – 83,5 мың, Түркияға – 15 мың, ҚХР-ға – 4,1 мың адам кетті. 

Қанат Махамбет 

162544

Ұқсас материалдар:

bir-ajda-tauga-shykkan-10-turist-adasyp-ketti

turkistanga-turkiyadan-bilikti-darigerler-keldi

turkistanga-zhana-akim-tagajyndaldy

5-ajda-mangystauga-216-mlrd-tenge-investiciya-tartylgan

32-zhastagy-ekspeditor-duken-aldynda-koz-zhumdy

загрузка

×