ХАА арқылы Қазақстаннан жіберілген ақша аударымының көлемі бойынша Ресей көшбасында, деп хабарлайды inbusiness.kz тілшісі ranking.kz-ке сілтеме жасап.
Осы жылдың қаңтарында Ресейге 13 миллиард теңге жіберілген – өткен жылмен салыстырғанда 0,3%-ға аз.
Кейін тізімде Түркия тұр: 12,4 миллиард теңге жіберілген. Бұл 2020 жылдың қаңтарымен салыстырғанда 2 есе көп.
Үздік үштікті Қырғызстан қорытындылайды: 10,5 миллиард теңге. Өткен жылмен салыстырғанда 75,1%-ға артық.
Сонымен қатар қомақты қаражат Өзбекстанға да аударылған: 8,9 миллиард теңге. Бір жылдағы өсім – 45,9%.
2021 жылдың қаңтарында ХАА жүйесі арқылы Қазақстаннан шетелге жіберілген қаражат көлемі 54,5 миллиард теңге болды. Бұл өткен жылдың қаңтарымен салыстырғанда 37,1%-ға артық.
Қазақстаннан Ресейге жіберілетін ақша аударымының көлемі төртінші жыл қатарынан азайып барады.
Мәселен, 2017 жылдың қаңтарында Қазақстаннан Ресейге аударылған ақшаның үлесі – 46,6%. 2016 жылы бұл көрсеткіш 32,8% болған. Алайда 2021 жылдың қаңтарында ол 23,9%-ға дейін қысқарған.
Ал Түркияның үлесі артып келеді. Өткен жылы бұл елге аударылған
қаражаттық көлемі 15,9%-дан 22,7%-ға дейін өскен. 5 жыл бұрын
ол тек 3,4% еді.
Сондай-ақ соңғы жылы Қырғызстан (15,1%-дан 19,3%-ға дейін) және Өзбекстанның (15,3%-дан 16,3%-ға дейін) да үлесі артқан. Басқа елдерге аударылған қаражаттың үлесі – 17,9% (бір жыл бұрынғы көрсеткіш – 20,9%).
Шетелге жіберілген қаражаттың 83%-ы "Золотую Корона" ақша аударымдары жүйесі арқылы жіберілген: 45,2 миллиард теңге. Бұл өткен жылмен салыстырғанда 1,5 есе көп.
Кейін Western Union жүйесі тұр: 3 миллиард теңге аударылған. 2020 жылдың қаңтарымен салыстырғанда 27,2%-ға аз.
Сонымен қатар Contact және "Юнистрим" жүйелері арқылы жіберілетін қаражаттың көлемі артқан: 2,6 миллиард теңге және 2,4 миллиард теңге. Өткен жылмен салыстырғанда аударылған қаражаттың көлемі 1,5 есе өскен.
