Қазақстанның алтын валюта резерві 2017 жылдың күзінен бергі ең жоғарғы көрсеткішке жетті. Бұл туралы ҚР Ұлттық банкі төрағасының орынбасары Әлия Молдабекова айтты, деп хабарлайды ҚазАқпарат.
"Алтын валюта резервінің деңгейі мамырда $950 млн долларға өсіп, $31,5 млрд доллар болды. Бұл еркін конвертирленетін валюталар активі өскендіктен болып отыр. Сонымен қатар, Ұлттық банктегі екінші деңгейлі банктердің қаржысы артқан. Сондай-ақ, ұлттық қорға алтын резервтер жоспарлы түрде сатылған", – деді ол.
Айта кету керек, Ұлттық қордың активтері шамалы ғана өзгерген. Мамырдың соңында қордың нарықтық құны $58,48 млрд болған. Бұл айда Ұлттық қордан 650 млн теңге трансферт бөлінген.
"Ұлттық қордан шыққан шығын инвестициялық табыспен толық қайта жабылды. Ұлттық қордың инвестициялық табысы 670 млн доллар болды", – деді Әлия Молдабекова.
