Бұл бастама Қазақстан Президенті Қасым-Жомарт Тоқаевтың ұсынысымен БҰҰ аясында жүзеге асырылып, бүгінде әлемнің көптеген елінде түрлі іс-шаралар ұйымдастырылуда. Солардың бірі Замбияның Мвинилунга ауданында өтіп, "Әрбір үлес маңызды: волонтерлер қоғам дамуына үлес қосады" ұранымен өткізілді.
Іс-шара барысында волонтерлердің тұрақты даму мақсаттарына қосып жүрген үлесі насихатталып, жергілікті билік өкілдері мен қоғамдық ұйымдардың мүшелері бас қосты. Сонымен қатар, салтанатты рәсімде БҰҰ Бас хатшысы Антониу Гутерриштің арнайы үндеуі оқылды.
Ресми ашылу алдында ел көлемінде волонтерлік қызметті дәріптеуге арналған ақпараттық науқандар, экологиялық акциялар және қоғамдық орындарды көркейту жұмыстары өткізілді.
