Биыл Қазақстан көбінесе темір кені және прокат өнімдерін экспортқа шығарса, шетелден жеңіл көліктерді импорттаған, деп хабарлайды inbusiness.kz порталы finprom.kz-ке сілтеме жасап.
2021 жылдың қаңтар-ақпанында ЕАЭО елдерімен тауар айналымы шамамен 3 млрд доллар болған. Бұл өткен жылдың осы кезеңімен салыстырғанда 1,3%-ға көп.
Экспорт 9,1%-ға өсіп, 892,6 млн долларға жеткен, ал импорт 1,7%-ға азайып, 2,1 млрд доллар болған.
ЕАЭО елдері арасындағы тауар айналымының басым бөлігі Ресейге тиесілі: 2,7 млрд доллар. 2020 жылдың қаңтар-ақпанымен салыстырғанда бұл көрсеткіш 1,2%-ға артық.
Кейін тізімде Қырғызстан, Беларусь тұр: тауар айналымы –
112,4 млн доллар. Бұл өткен жылмен салыстырғанда 16,9%-ға артық.
Осы жылдың 2 айында Қырғызстанмен тауар 109,8 млн доллар болған. 2020 жылмен салыстырғанда бұл 8,2%-ға аз.
Бір жылда Армениямен тауар айналымы 32,2%-ға өсіп, 2,3 млн долларға жеткен.
Ресейге экспорт көлемі – 795,9 млн доллар (өткен жылмен салыстырғанда 10,7%-ға артық), импорт – 1,9 млрд доллар (2020 жылдың қаңтар-ақпанымен салыстырғанда көрсеткіш 2,3%-ға аз).
Беларуске экспорт көлемі 15,1 млн долларға (плюс 12,4%), импорт 97,3 млн долларға жеткен (плюс 17,6%).
Қырғызстанға экспорт 5,6%-ға немесе 80,3 млн долларға азайған, ал
ал импорт 14,6%-ға немесе 29,5 млн долларға көбейген.
Арменияға экспорт 19,3%-ға немесе 1,3 млн долларға, ал
импорт 1,5 есе немесе 1,1 млн долларға артқан.
Ақшалай мәнде ЕАЭО елдеріне экспортталатын тауарлардың басым бөлігі – темір кені мен концентраттар, сондай-ақ темір мен болаттан жасалған тегіс прокат.
Импорттың негізгі бөлігі жеңіл автомобильдер, табиғи газ және темір мен болаттан жасалған шыбықтарға (прутки) тиесілі.
Дәурен Ерболат
