Бюро мамандарының есептеуінше, негізгі көрсеткіштер деңгейінің арту, сондай-ақ кему сипаты да байқалады. Мәселен, 2021 жылдың қаңтары мен сәуірі аралығында негізгі капиталға салынған инвестициялар көлемі 2868,4 млрд теңгені құрап, 2020 жылдан (қаңтар-сәуір) қарағанда 6,6% азайыпты. Ал өнеркәсіп өндірісінің көлемі 11045,3 млрд теңгеге жетіп, 0,8% артқан.
Аталған мерзімде елде ауыл, орман және балық шаруашылығы өнімінің (қызметінің) жалпы шығарылымының көлемі шамамен 3% артқан. Бәрінен бұрын елде құрылыс жұмыстарының жанданғанын атап өту керек. Бұл көрсеткіштің көлемі былтырғы кезеңмен салыстырғанда 12,5% артық.
Әйтсе де сыртқы сауда жағынан Қазақстанның көрсеткіші төмендеп бара жатыр.
"2021 жылғы қаңтар-наурызда Қазақстанның сыртқы сауда айналымы 19729,8 млн АҚШ долларын құрады. Яғни 2020 жылғы қаңтар-наурызбен салыстырғанда номиналды мәнде 9,4% азайды. Соның ішінде экспорт – 11526,5 млн АҚШ долларын (19,7% аз), импорт – 8203,3млн АҚШ долларын құрады (10,5% көп)", - деп жазылған бюро таратқан мәліметте.
Аян Бекенұлы
