"Ақшаны заңсыз иемденгені үшін іздеуде жүрген күдікті Аргентинада болғаны анықталды. Сондықтан осы елдің аумағында Қазақстан ІІМ Интерпол ұлттық бюросының сұрауы бойынша Андрей Хазбулатов ұсталды", - делінген ҚР ІІМ мәліметінде.
Күдікті ҚР Қылмыстық кодексінің 189-бабының 4-бөлігінде көзделген қылмысты жасағаны үшін елорданың сыбайлас жемқорлыққа қарсы қызметі былтыр жазда халықаралық іздеуге жариялаған болатын.
Ол 196 млн теңгеден астам қаражатты заңсыз иемденді деп күдікке ілінді.
Андрей Хазбулатов – философия докторы, Қазақстанның еңбек сіңірген қайраткері. Қазақстан Республикасының 2050 жылға дейінгі мәдени саясаты тұжырымдамасы мен "Кинематография туралы" заңы авторларының бірі.
Айта кеткен жөн, 1993 жылы ІІМ-нің құрылымында Интерполдың Ұлттық орталық бюросы құрылды.
