Қазақстандық мұнайдың басым бөлігін Италия сатып алады. Мемлекеттік кіріс және статистика комитетінің деректері бойынша, тек 4 айдың ішінде бұл елге 3,6 млрд долларға 7 миллион тонна шикізат шығарылған, деп хабарлайды Atameken TV.
Ал қаңтар-сәуір айында Қазақстаннан шет елдерге 11,1 млрд долларға 22,4 миллион тонна шикізат экспортталыпты.
Негізгі тұтынушылар қатарында Нидерланды да бар. Аталған елге 3,2 миллион тонна қара маржан жеткізілген. Францияға - 2,7, Швейцарияға - 1,6, Румыния - 1,2, Испания - 1,1, және Корей Республикасына 1 миллион тонна өнім тасымалданды.
Ал Еуразиялық экономикалық одаққа мүше елдерге шығарылған мұнай әлдеқайда аз. Мәселен Ресейге - 27,8 мың тонна, Беларусь мемлекетіне 5,6 мың тонна шикізат сатылыпты.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
