Қазақстанның сыртқы істер министрі Ерлан Ыдырысов 22 желтоқсанда жұмыс сапарымен Ташкентке барады, деп хабарлады сейсенбіде Өзбекстанның СІМ баспасөз қызметі.
"Сапар барысында Өзбекстан президенті Шавкат Мирзиеев Қазақстанның СІМ басшысымен кездеседі, сондай-ақ Сыртқы істер министрлігінде екіжақты келіссөз өтеді", – делінеді баспасөз қызметінің хабарламасында.
Қазақстан Өзбекстанның маңызды сауда әріптестерінің бірі, оған республиканың аймақтағы елдермен тауар айналымының айтарлықтай бөлігі тиесілі. 2015 жылдың қорытындысы бойынша екіжақты тауар айналымының көлемі 3 млрд долларды құрады. Тараптар алдағы уақытта бұл көрсеткішті 5 млрд долларға дейін жеткізуді көздейді.
Бұған дейін премьер-министр қызметін атқарған Ш.Мирзиеев, 4 желтоқсандағы президент сайлауының қорытындысы бойынша Өзбекстан президенті атанды.
