2022 жылғы қаңтар-тамыз аралығында Қазақстан мен Солтүстік Македония арасындағы тауар айналымы 8,9 млн долларды құрады, бұл өткен жылдың сәйкес кезеңімен салыстырғанда 7,8 есе жоғары, деп хабарлайды inbusiness.kz Ұлттық экономика министрлігінің телеграмм арнасына сілтеме жасап.
Аталған уақыт аралығында Қазақстан Солтүстік Македонияға 7,3 млн долларға өнім экспорттаған. Экспорт өсімі 73,6 есені құрады. Елімізде жеткізілетін металл бұйымдары мен зығыр тұқымдарының көлемі едәуір артқан.
Солтүстік Македониядан елімізге негізінен дәрілік заттар, киім, жылжымалы құрамның бөлшектері, пластмассадан жасалған бұйымдар, оқшауланған сымдар мен кабельдер әкелінеді. Қаңтар-тамызда Қазақстанға 1,6 млн доллардың заты әкелінді. Импорт 55,1%-ке өскен.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
