Бұл былтырғыдан 2 млрд-қа артық. Берешектің басым бөлігі, яғни 13,8 млрд доллар – мемлекеттік басқару және қорғаныс секторына тиесілі. Ал ғылыми, техникалық сала бойынша міндеттемелер 9 млрд доллардан асады. Үшінші орында қаржы және сақтандыру саласы. Бұл бағыттағы борыш 4,4 млрд долларды құрайды.
Ал жалпы берешектің қомақты үлесі банктерге тиесілі – 20,1 млрд доллар. Одан кейінгі сатыда мемлекеттік басқару секторы тұр. Ондағы қарыз – 13,8 млрд доллар. Ал Ұлттық Банктің берешегі – 1,3 млрд долларды құраса, фирмааралық қарыздың көлемі 215 млн долларға тең.
Елдер бөлінісінде берешектің ең көп үлесі Ұлыбританияға тиеселі. Тұманды альбионға 19 млрд доллар қайтаруымыз керек. Екінші орында Халықаралық ұйымдар алындағы қарыз. Оның көлемі – 8,5 млрд доллар болса, Қытайға - 4,9 млрд , Ресейге – 973 млн, ал Жапонияға -554 млн доллар қарызбыз.
