"2020 жыл бүкіл әлем үшін күрделі болды. Көптеген ел әлемдік тауар нарықтарындағы сұраныстың төмендеуіне, жүк тасымалының күрделенуіне, шетелдік бизнес-серіктестермен байланыстардың үзілуіне тап болды. Осының салдарынан тауарлардың халықаралық саудасының көлемі 5%, көрсетілетін қызметтер саудасы 20% қысқарды. Бұл ретте биыл біртіндеп ахуалдың қалпына келуі байқалады. Мәселен, 5 айда Қазақстанның сыртқы тауар айналымы 36,4 млрд АҚШ долларын құрап, өткен жылдың сәйкес кезеңімен салыстырғанда 1% - ға артты",– дейді министрліктің алқа отырысында Қайрат Төребаев.
Оның айтуынша, шикізаттық емес тауарлар экспортының көлемі 23,4%өсіп, 7,2 млрд долларды құраған.
"Мыс пен катодтар өсім драйверіне айналды. Олардың экспорты 35,7% өсті. Жалпақ прокатты жеткізу де 89,1%, күміс 2,2 есе, күнбағыс майы 49,5% артты. Қазақстандық өнімнің негізгі тұтынушылары Ресей, Қытай, Өзбекстан болып отыр",– дейді ол.
