ҚР ІІМ Төтенше жағдайлар комитеті ауа райының бұзылуына байланысты Қазақстанның үш өңірінде ескерту жариялады, деп хабарлайды "ҚазАқпарат" ХАА.
Сонымен, Астанада 31 желтоқсан күні таңертеңгілік және күндізгі уақытта, 1-2 қаңтарда тәулік бойы бұрқасын соғып, оңтүстік-батыстан 15-20 м/с жылдамдықпен жел соғады. 1-2 қаңтар күндері оның екпіні 25 м/с-ға жетеді. Ақмола облысында 31 желтоқсан күні таңертеңгілік және күндізгі уақытта бұрқасын ұйытқып, оңтүстік-батыстан 15-20 м/с күшпен соққан желдің екпіні 25 м/с-ға дейін жетуі ықтимал. 1-2 қаңтар күндері Солтүстік Қазақстан, Ақмола және Павлодар облыстарында бұрқасын тұрып, оңтүстік-батыстан 15-20 м/с жылдамдықпен соққан желдің күші 25 м/с-ға дейін артады. Кей жерлерде 30 м/с-тан асуы мүмкін.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
