/img/tv1.svg
RU KZ
«Қазақтелеком» дағдарысты ауылдар есебінен еңсеруде

«Қазақтелеком» дағдарысты ауылдар есебінен еңсеруде

«Самұрық-Қазынаның» басқарушы директоры пандемия өршіген жағдайға қандай сценарий қолданатынын айтты.

13 Тамыз 2020 12:17 175

«Қазақтелеком» дағдарысты ауылдар есебінен еңсеруде

Фото: Максим Морозов

«Самұрық-Қазына ұлттық» әл-ауқат қоры пандемияның пессимистік сценариіне де дайын. Қордың құқықтық сүйемелдеу және тәуекелдер жөніндегі басқарушы директоры Андрей Кравченко аталмыш дайындық «қажетсіз» шығындарды қысқартудан басталғанын айтады. 

«Пессимистік болжамдарға байланысты бірнеше сценариіміз бар. Пандемияның екінші толқыны болса, оған қажетті шараларды қабылдағанбыз. Шектеулер кезеңінде «қажетсіз» болып қалған шығындарды толық қысқарттық. Бұл кезеңнің кейбір компанияларға кері әсері болса да, кейбір компанияларға падемия жағдайындағы экономика жағымды әсер етті. «Қазақтелеком», «Самұрық Энерго» және «ҚазАтомӨнеркәсіп» компанияларын мысалға келтіруге болады. Бұл компаниялар өзін өте сенімді сезініп отыр. «Қазақтелеком» өзінің бизнеске қатысты кейбір деректерін жариялады. Елдегі кеңжолақты интернет пайдалануышлар 2-3 пайыз өскен. Ауылдарда «Қазақтелекомның» бизнесі 6 пайыз өскен. Бұл бизнестің бәрі тоқтап қалмағанын дәлелдейтін көрсеткіштер», – деді Андрей Кравченко.

Есжан Ботақара
 

Air Astana мемлекет көмегіне мұқтаж емес – Андрей Кравченко

Әлемдегі әуе компанияларының 45 пайызы жұмысшыларын қысқартқан.

13 Тамыз 2020 12:03 128

«Самұрық-Қазына» ұлттық әл-ауқат қорының құқықтық сүйемелдеу және тәуекелдер жөніндегі басқарушы директоры Андрей Кравченко Air Astana компаниясы банкрот жарияламайтынын айтты.

«2020 жыл әлемдік авиация тарихында ең бір шығынды жыл болып тұр. Тасымал көлемі 58 пайыз, жүктелім 51 пайыз түсті. Әлемдегі әуе компанияларының 45 пайызы жұмысшы штатын қысқартты. Осындай дағдарысқа қарамастан, Air Astana жұмыс орындарын сақтап отыр. Әзірге барлық қиындықтарды мемлекет пен біздің қордың көмегінсіз еңсеріп келеді. Біз Air Astana компаниясын мақтан тұтамыз. Осы кезеңде ұжым тәуекелдермен өте байыпты жұмыс істеді. Қазіргі ахуалы тұрақты. Егер пандемияның созылу тәуекелдері азайса,  алаңдауға негіз болмайды деп ойлаймын. Банкрот жариялауға да ешқандай негіз жоқ Ал Qazaq Air компаниясының жағдайы күрделірек. Дегенмен әзірге нарықтағы өзгерістерге қарай отырып, ол туралы да оптимистік болжамдар айтуға болады», – деді қор директоры.

Есжан Ботақара

«Самұрық-Қазына» өкілі Şekerbank бұғаттаған акциялардың қалай босатылғанын айтты

38 млн доллар ұлттық әл-ауқат қорына қайтарылған.

13 Тамыз 2020 11:56 217

Фото: Максим Морозов

Шетелдегі сот процестері «Самұрық-Қазынаның» 58 млн долларлық активін қайтаруға септігін тигізген. Ұлттық әл-ауқат қорының құқықтық сүйемелдеу және тәуекелдер жөніндегі басқарушы директоры Андрей Кравченко осындай мәлімет айтты.

«Біз түркиялық бизнесмен тарапынан Қазақстан Республикасына қарсы қозғалған арбитраждық процестің тұтқыны болып қалдық. Ол Қазақстан Республикасына қарсы талап айтқан болатын. Қазақстан Үкіметінен тиісті төлемін алу үшін «Самұрық Қазынаның» Şekerbank-тегі активін бұғаттай алам деп шешсе керек. Біздің білуімізше, Қазақстан ол кәсіпкердің алдындағы өз міндеттемесін орындады. Осыдан кейінгі келісісөздер мен сәтті сот процестерінің нәтижесінде бизнесмен қордың активін бұғаттан босатты», – деді ол онлайн брифингте.

Есжан Ботақара