"ҚазАвтоЖол" ҰК" АҚ басқарма төрағасы Асқар Маратұлы қызметінен кетті, деп хабарлайды inbusiness.kz.
Бұл туралы басшы Instagram-да жазды.
Оның айтуынша, республикалық маңызы бар 3,6 мың шақырым жолға жөндеу жұмыстары жүргізілген.
"324 шақырым жол пайдалануға берілді. Сондай-ақ Алматыдағы "Алтын Орда" базарының жол айрығында жол жүрісі қамтамасыз етілді. Қызылорда-Жезқазған жолының құрылысы бойынша барлық келісім рәсімдері өтті. Жоба биыл басталады. Жол бойында 20-дан аса қызмет көрсету нысаны ашылды. Әлемнің жетекші банктерімен ынтымақтастық туралы бірнеше келісімге, сондай-ақ ірі отандық компаниялармен көпжақты меморандумдарға қол қойылды", – деп жазды басқарма төрағасы.
Айта кетейік, 2021 жылғы 22 сәуірде Асқар Маратұлы "ҚазАвтоЖол "ҰК" АҚ басқарма төрағасы қызметіне тағайындалған еді.
