Шетелдік инвесторлардың қаржы құйылымдарының есебінен 6 учаскеде геологиялық барлау жұмыстары жүргізілуде, деп хабарлайды "Қазгеология" АҚ баспасөз қызметі.
Осы 6 жоба бойынша тек қана іздеу кезеңінде ғана тартылған инвестициялар сомасы 20 млрд теңгеге жуық құраған. 2018 жылдың аяғында 6 млрд теңге инвестициялар тартылды.
"Бұдан басқа, 2019 – 2020 жж шетелдік инвесторлармен тағы 15 жоба бойынша геологиялық барлауды бастау жоспарлануда. "Қазгеология" АҚ таяу жылдары геологиялық барлауға тартылатын шетелдік инвестициялар сомасын 100 млн АҚШ долларына жеткізуді жоспарлауда", – делінген хабарламада.
Бұл үшін қазіргі уақытта, Жапония, Иран, Түркия, Сингапур, Швейцария, Бразилия, Оңтүстік Африка, Сауд Арабиясы, Қытай, Австралия, Канада, Чили, Россия инвесторларымен келіссөздер жүргізілуде.
