/img/tv1.svg
RU KZ
Қазгидромет демалыс күндері ауа райы қандай болатынын жариялады

Қазгидромет демалыс күндері ауа райы қандай болатынын жариялады

26-28 қыркүйек аралығында Қазақстанның басым бөлігінде жауын-шашын басылып, күн ашылады.  

25 Қыркүйек 2020 16:59 216

Қазгидромет демалыс күндері ауа райы қандай болатынын жариялады

Алдағы күндері Қазақстанның ауа райына солтүстік-батыс антициклоны ықпал етеді, деп хабарлайды «Қазгидромет» РМК баспасөз қызметі.

Оның келуімен ауа райы көбіне жауын-шашынсыз болады.

Тек еліміздің солтүстік-шығыс бөлігі циклон ықпалында болады, осыған байланысты кей жерлерде жаңбыр жауады.

 Республика бойынша кей жерлерде тұман түсіп, жел күшейеді. Оңтүстік өңірлерде шаңды дауыл соғады.

Екі облыста жолдар жабылды

Самара-Шымкент автожолында көлік қозғалысына шектеу қойылды.

20 Қараша 2019 09:36 609

Ауа райына байланысты Самара-Шымкент автожолында көлік қозғалысына шектеу қойылды. Хабарламаны Төтенше жағдайлар департаментінің баспасөз қызметі таратты.

Автожолдың 842-ші шақырымынан Дон ауылына дейін, сондай-ақ, 1153-ші шақырымнан Самара-Шымкент және Қандыағаш-Эмба-Шалқар-Ырғыз бағыттарының қиылысатын жеріне дейінгі аралық жабалды. Сондай-ақ, Шығыс Қазақстан облысында «Өскемен-Риддер-Ресей» шекарасы, «Өскемен-Шемонаиха-Ресей» шекарасы және «Өскемен-Семей» жол учаскелерінде жүк және жолаушылар автокөліктері үшін қозғалыс шектелді. Ал елордада қатты аязға байланысты бүгін 9-сыныпқа дейінгі оқушылар үшін сабақ тоқтатылды.

Павлодар облысында жолдарды күтіп ұстауға 800 млн теңге бөлінген

Аудандық маңыздағы автомобиль жолдарын күтіп ұстаумен 14 ұйым айналысады. 

13 Қараша 2019 14:53 544

Бүгінгі таңда ауа райы күрт өзгерген жағдайда әрекет етуге арналған полиция және төтенше жағдайлар департаменттерімен келісілген шаралар жоспары әзірленген, деп хабарлайды pavlodarnews.kz .

Бұл туралы өңірлік коммуникациялар қызметінде өткен баспасөз мәслихатында облыстық жолаушылар көлігі және автомобиль жолдары басқармасы басшысының орынбасары Қизат Жақыпов мәлім етті.

«Жергілікті жолдардың ұзындығы 3975 шақырымды құрайды, – дейді Қизат Жақыпов. – Ауа райы қолайсыздық тудырған жағдайда жолдар жабылады. Қыс мезгілінде 23 мердігерлік ұйым мен 374 техника жұмылдырылады. Облыстық жолдарда 9 мердігер жұмыс істейді. 2020 жылға дейін келісімшарт жасалған. 160 техника мен 460 тонна жанар-жағармай дайындалған. Бұдан басқа, автожолдардың жағдайына қатысты кезекшілер мен аудандық және қалалық әкімдіктер ақпарат алмасып тұрады».

Спикердің айтуынша, өңірде қысқы мезгілде жолда тұрып қалған жолаушыларға көмек көрсететін 168 жылыту пункті бар.

Оның 35-і облыстық жолдарда, 133-і аудандық жолдарда орналасқан. Аудандық маңыздағы автомобиль жолдарын күтіп ұстаумен 14 ұйым айналысады. Қазіргі таңда бұл жолдарға арналған 214 техника, 56,21 тонна жанар-жағармай материалдары, 5158 тонна көктайғаққа қарсы материал (құм, тұз, шлам) әзірленген.

Қалалар мен аудандардың әкімдіктері мен автокөлік құралдарының иелері арасында төтенше жағдайлардың алдын алу және жою жұмыстарына тартылған құзырлы мекемелердің көліктерін тарту жөнінде келісімшарттар жасалған. Шығындардың барлығы мемлекет бюджеті есебінен өтеледі. Келісімшарттарға сәйкес 144 автобус және 87 микроавтобус тартылады. Орындардың жалпы саны - 6212.