Бұл туралы Орталық коммуникациялар қызметінде өткен брифингте "ҚазМұнайГаз" ҰК АҚ-ның Адами ресурстарды басқару жөніндегі басқарушы директоры Дәулетжан Хасанов мәлім етті.
"12 мамырда басқарма шешімімен орталық аппараттың жаңа жалақы төлеу жүйесі бекітілді. Ол жүйе бойынша "ҚазМұнайГаз" басшылық құрамының жалақысы 30%-ға азаяды, ал басшылық қызметтер санының қысқаруына байланысты төменгі лауазымға тағайындалатын орта буындағы менеджерлердің жалақылары 20%-ға дейін төмендейтін болады", – деді компанияның басқарушы директоры.
Сонымен қатар компания қызметкерлеріне енді жылдың соңына дейін ешқандай сыйақы немесе бонустар төлемейді. Әйтседе қатардағы қызметкерлердің жалақысы бұрынғы деңгейде сақталады.
Құралай Құдайберген
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
