ҚазМұнайГаз IPO-ға 5 млрд долларға дейін тартуды көздеп отыр

750

IPO-ға компания акцияларының 25%-ы қойылады деп күтілуде.   

ҚазМұнайГаз IPO-ға 5 млрд долларға дейін тартуды көздеп отыр

"Самұрық-Қазына" қоры ұлттық компаниялардың IPO-ға қатысты жоспарларын айтты, деп хабарлайды LS.

Мемлекеттік қордың активтерді басқару жөніндегі дирекциясының басшысы- басқарушы директор Алмасадам Сатқалиев IPO-ға "ҚазМұнайГаз" акцияларын орналастыруда 2 млрд долларға жуық қаражат тарту жоспарланып отырғанын айтты.

"Тартылатын қаражат орналастыру көлеміне байланысты болады. Біз ҚМГ акцияларын орналастыру арқылы нарықта 3 млрд доллардан 5 млрд долларға дейін тартуға дайынбыз. Бұл қазіргі таңда негізгі жұмысымыз болып отыр", - деді ол.

Бұл ретте ол ұлттық компанияның жалпы құны бүгінгі күні 20 млрд долларды құрайтынын айтып кетті. Сонымен қатар мемлекеттік қор IPO-ның барлық бар аспектілерін қарастырып жатыр, соның ішінде орналастыру алаңын анықтау, орналастыру көлемі, компания активтерінің оңтайлы құрылымдары бар.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу